ნიუ-იორკში, პოლიციელების მხრიდან განხორციელებული ძალადობის გასაპროტესტებლად, ასობით ადამიანი შეიკრიბა. აქციის მონაწილეები, ერიკ გარნერისა და ვალტერ სკოტის სახელებს სკანდირებდნენ, რომლებიც პოლიციამ დაკავების დროს დაცხრილა.

აქცია, მანჰეტენზე დაიწყო, შემდეგ კი დემონსტრანტთა ტალღა ბრუკლინის ხიდისკენ დაიძრა, რამაც ტრანსპორტის მოძრაობის შეფერხება გამოიწვია.

აქციის ორგანიზატორთა განცხადებით, მსგავსი აქციები აშშ-ის 28 რეგიონში გაიმართა.

ბოლო თვეების განმავლობაში, აშშ-ში სამართალდამცავთა მხრიდან განხორციელებული ძალადობის რამდენიმე ფაქტი დაფიქსირდა. განსაკუთრებული აღშფოთება ფერადკანიანთა მკვლელობებმა გამოიწვია.

ბოლო სკანდალი, აპრილში, ჩარლსტონში მომხდარი შემთხვევა იყო. ინერნეტში გავრცელებულ ვიდეოში, კარგად ჩანს, რომ პოლიციელმა შეუიარაღებელ, 50 წლის ვალტერ სკოტს ზურგში ესროლა, რის შედეგადაც სკოტი გარდაიცვალა. პოლიციელის განცხადებით, სკოტმა მას ელექტროშოკი წაართვა და თავდაცვის მიზნით ესროლა. თუმცა, კადრებმა დაადასტურა, რომ შემთხვევის დროს ფერადკანიანი შეუიარაღებელი იყო.

ხატია ლაღიძე