ჩიტაძის ქუჩაზე, საგარეო საქმეთა სამინისტროს გვერდით მდებარე შენობიდან პოლიციელებმა მოქალაქე იური კვარაცხელია აიყვანეს. როგორც გაირკვა ის და მისი მეობრები აღდგომის დღესასწაულს აღნიშნავდნენ.

დაკავებულის ინფორმაციით, ერთ-ერთი სადღეგრძელოს დროს ჰაერში სროლა გადაწყვიტეს. შენობაში კიდევ ერთი პირი იმყოფება, რომელმაც სავარაუდოდ, გასროლა განახორციელა. სამართალდამცველები მას პოლიციის შენობაში რამდენიმე წუთში გადაიყვანენ.

"ვეტერანები შევიკრიბეთ, დავლიეთ და გავიხსენეთ ჩვენი წასულები. ამის შემდეგ გადავწყვიტეთ გვესროლა ჰაერში და ვისროლეთ. ჩემი მეგობარიც და მეც ამის გამო დაგვაკავეს", - განაცხადა კვარაცხელიამ.

შეგახსენებთ, გასროლა ჩიტაძის ქუჩაზე იმ დროს მოხდა, როდესაც 47-ე სკოლაში სწავლის პროცესი მიმდინარეობდა. შემთხვევის შედეგად არავინ დაშავებულა.