პოლიციელების მკვლელობაში ბრალდებული შალვა აბულაძის ადვოკატი თბილისის პროკურატურას ექსპერტიზის ჩატარების თხოვნით მიმართავს.

დაცვის მხარე ბრალდებულის სხეულზე არსებული დაზიანებების გამოკვლევას ითხოვს.

ადვოკატ არჩილ ჩუბინიძის ინფორმაციით, აბულაძემ დაზიანებები დაკავებიდან საპყრობილეში გადაყვანის პერიოდში მიიღო.

„მივმართავთ პროკურორს, რომ შალვა აბულაძეს ჩაუტარდეს სამედიცინო შემოწმება. თუ მისგან მივიღებთ უარს, ჩვენვმუშაობთ ალტერნატიული ექსპერტიზის ჩატარებაზე. დავადგენთ, რომ მასზე ნამდვილად განხორციელდა ზეწოლა“, - განაცხადა ჩუბინიძემ.

შეგახსენებთ, შალვა აბულაძე რამდენიმე დღის წინ ბორჯომში ჩატარებული სპეცოპერაციის დროს დააკავეს.