არიზონას შტატში, ეჭვმტანილს, სუიციდში ხელის შეშლის მიზნით, მაღალი სიჩქარით მიმავალი პოლიციის მანქანა დაეჯახა.

შემთხვევის ამსახველ კადრებს, პოლიციის დეპარტამენტი ავრცელებს.

მარიო ვალენსია, სამართალდამცავებმა ქუჩაში მაშინ შენიშნეს, როცა იარაღი თავთან ჰქონდა მიტანილი. ჰაერში გასროლის შემდეგ, პოლიციელები მას იარაღის დადებისკენ მოუწოდებდა, თუმცა უშედეგოდ. თვითმკვლელობაში ხელის შეშლის მიზნით კი, მას ერთერთი მანქანა დაეჯახა. ვალენსია მძიმე მდგომარეობაში საავადმყოფოში გადაიყვანეს. როგორც აღმოჩნდა, იარაღი "ვოლმარტიდან" იყო მოპარული. ეჭვმიტანილი ორი დღის შემდეგ კი დააპატიმრეს.

გავრცელებულმა ვიდეომ, ინტერნეტში დიდი დებატები გამოიწვია. დაკავებულის ადვოკატის განცხადებით, დაკავებისას პოლიციას ყველანაირი მეთოდის გამოყენების უფლება არ უნდა ჰქონდეს, რადგან კადრებში კარგად ჩანს, რომ ადგილი ჰქონდა ძალის აშკარად გადამეტებას.

„ის რომ ჩემი კლიენტი გადარჩა, ნამდვილი სასწაულია“ -აცხადებს ადვოკატი.

არიზონას პოლიციის განყოფილების უფროსის განცხადებით კი, სამართალდამცავის ქმედებამ, ადამიანს სიცოცხლე შეუნარჩუნა.

ხატია ლაღიძე