„იურიდიული დახმარების შესახებ“ კანონში დღეიდან ცვლილებაა, რომლის მიხედვითაც 200 ათასზე მეტ - სოციალურად დაუცველ ოჯახს, სახელმწიფო ხარჯზე, ადვოკატის მომსახურებით სარგებლობა შეეძლება.

როგორც ცნობილია, ადვოკატის მომსახურება შეეხება როგორც სისხლის სამართლის პროცესს, ისევე სამოქალაქო და ადმინისტრაციულ საქმეებსაც.

"ამ სიახლესთან დაკავშირებით, აღნიშნული საკანონმდებლო ცვლილების ავტორი, პარლამენტის იურიდიულ საკითხთა კომიტეტის წევრი - ზაქარია ქუცნაშვილი, და იურიდიული დახმარების სამსახურის დირექტორი, მელიტონ ბენიძე, 15 აპრილს მცხეთას ეწვევიან და ადგილობრივ მოსახლეობასთან ერთად, ახალი საადვოკატო სერვისის ამოქმედებას გაეცნობიან", - აცხადებენ პარლამენტში.