შალვა აბულაძის ადვოკატის თამარ გაჩეჩილაძის განცხადებით პოლიციელების მკვლელობაში ბრალდებული შალვა აბულაძე სტრესული მდგომარეობის გამო ჩვენების მიცემაზე ამ ეტაპზე უარს ამბობს, თუმცა, წარდგენილ ბრალდებას ეთანხმება.

ადვოკატის ინფორმაციით, მისი დაცვის ქვეშ მყოფს თავის არეში დაზიანებები აღენიშნება, თუმცა, სამართალდამცველების მხრიდან რაიმე ზეწოლაზე არ საუბრობს. ადვოკატის თქმით, მისი დაცვის ქვეშ მყოფი მძიმე ფსიქოლოგიურ-ემოციურ მდგომარეობაში იმყოფება და აქედან გამომდინარე, ამ ეტაპზე ჩვენების მიცემაზე უარს ამბობს.

"ვერ იხსენებს სად მიიღო დაზიანებები. ვარაუდობს, რომ თავის არეში არსებული დაზიანებები დაკავების დროს აქვს მიღებული, სტრესული მდგომარეობის გამო, ჩვენება ჯერჯერობით შალვა აბულაძეს არ მიუცია და მოგვიანებით მისცემს, თუმცა წარდგენილ ბრალდებას ეთანხმება", - განაცხადა ადვოკატმა თამარ გაჩეჩილაძემ..