სპეცოპერაცია ბორჯომში - აბულაძის სამალავის კედლებსა და ფანჯრებზე ნატყვიარების კვალია (ფოტო)

სამართალი - 16:09, 10 Apr, 2015

3183

ბორჯომის ხეობაში სამართალდამცავები და კრიმინალისტები ამ დრომდე რჩებიან. შენობა, სადაც შალვა აბულაძის დაკავება მოხდა, პოლიციის ლენტებით არის შემოსაზღვრული და კრიმინალისტები მუშაობენ. ტელეკომპანია "რუსთავი-2"-ის მიერ შემთხვევის ადგილიდან გავრცელებულ ვიდეო მასალში, ფანჯრის მინასა და შენობის კედლებზე ნატყვიარები ჩანს. არსებული ინფორმაციით ამოღებულია ასაფეთქებელი საშუალება და ცეცხლსასროლი იარაღიც, რომელიც შალვა აბულაძეს ეკუთვნოდა. შენობა სადაც შალვა აბულაძე იმალებოდა, მის საკუთრებაში იყო.

შეგახსენებთ, შალვა აბულაძე ბორჯომში ჩატარებული სპეცოპერაციის შედეგად დააკავეს.

შალვა აბულაძის წინააღმდეგ გამოძიება პროკურატურამ დაიწყო საქართველოს სსკ-ის რამდენიმე მუხლით, რაც პოლიციელის სიცოცხლის მოსპობას, მოსპობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. ბრალდება 16-20 წლამდე თვისუფლების აღკვეთას ან უვადო პატიმრობას ითვალისწინებს. თბილისის პროკურატურამ შალვა აბულაძეს ბრალი დაუსწრებლად წაუყენა საქართველოს სისხლის სამართლის კოდექსის 353-ე პრიმა მუხლის მე-3 ნაწილით, 19,353-ე პრიმა მუხლის მე-3 ნაწილითა და 236-ე მუხლის პირველი და მეორე ნაწილებით, რაც გულისხმობს პოლიციელის სიცოცხლის მოსპობას მის სამსახურებრივ საქმიანობასთან დაკავშირებით და ცეცხლსასროლი იარაღის მართლსაწინააღმდეგო შეძენა, შენახვა, ტარებას.