საქართველოს ფინანსთა სამინისტროს საგამოძიებო სამსახურმა, სამსახურებრივი სიყალბის ფაქტზე “სურსათის ეროვნული სააგანტოს” ქვემო ქართლის რეგიონალური სამმართველოს ვეტერინარი, კობა მუშკუდიანი სისხლის სამართლის პასუხისგებაში მისცა.

გამოძიებით დადგენილია, რომ კობა მუშკუდიანის სამოქმედო ტერიტორიაზე, მოქალაქეების მიერ, სისტემატურად ხდებოდა კანონმდებლობით დადგენილი წესების დარღვევით მსხვილფეხა რქოსანი პირუტყვის დაკვლა და რეალიზაცია. ბრალდებული მოქალაქეებზე ისე გასცემდა ყალბ ვეტერინალურ მოწმობებს, რომ მსხვილფეხა რქოსან პირუტყვს რეალურად არ ამოწმებდა, რის შედეგადაც სავაჭრო ქსელში ხვდებოდა შეუმოწმებელი ხორცპროდუქტები.

საქმეზე გრძელდება გამოძიება საქართველოს სსკ-ის 341-ე მუხლით, რაც ითვალისწინებს თავისუფლების აღკვეთას 2-დან 4 წლამდე ვადით.