მესტია-ზუგდიდის ცენტრალური გზის მონაკვეთზე ე.წ. სალებთან მდინარე ენგურმა ახალგაზრდა გოგოს ცხედარი გამორიყა, რომელიც ერთი წლის წინ ავარიის დროს გარდაიცვალა.

გარდაცვლილის ცხედარი ადგილობრივმა მაშველებმა ამოიყვანეს.

შეგახსენებთ, ერთი წლის წინ ხაიში-ჭუბერის მონაკვეთზე ავტოსაგზაო შემთხვევა მოხდა. „ჯიპის“ მარკის ავტომობილი ხიდიდან გადავარდა. მანქანაში მყოფი ოთხივე ადამიანი გარდაიცვალა. ერთ კვირიანი სამძებრო სამუშაოების შემდეგ ჯერ ავტომობილის მძღოლის ცხედარი იპოვეს, შემდეგ კი - დედა-შვილის. როგორც ცნობილია, ოჯახი მოსკოვიდან რამდენიმე დღის ჩამოსული იყო.