უკრაინის შინაგან საქმეთა მინისტრის მჩეველმა, ანტონ გერაშენკომ იულია ტიმოშენკო კრემლის სასარგებლოდ მუშაობაში დაადანაშაულა.

მსგავსი განცხადებით გაკეთების მიზეზი, რადას ტრიბუნის ბლოკირებაში, ტიმოშენკოს პარტიის წევრების მონაწილეობა გახდა.

რადას დეპუტატებმა ტრიბუნის ბლოკირება გუშინ მოახდინეს. ისინი, მთავრობის წინააღმდეგ არსებული ბრალდებების გამოსაძიებლად, დროებითი საგამოძებო კომიტეტის შექმნას ითხოვდნენ.

ფინანსური სკანდალი, 7 მილიარდი გრივნის გაფლანგვას ეხება. გერაშენკოს თქმით, 7-იდან 6 მილიარდი მაშინ არის გაფლანგული, როცა უკრაინის ხელისუფლებაში იულია ტიმოშენკო და ნიკოლაი აზაროვი იმყოფებოდნენ.

მისივე თქმით, იმის მცდელობა, რომ ეს ფინანსური მაქინაციები ამჟამინდელ მთავრობას დაბრალდეს, რუსეთის საიდუმლო სამსახურისა და ვლადიმერ პუტინის ინტერესებში შედის.

შეგახსენებთ, ფინანსური ინსპექციის სამსახურის ყოფილი ხელმძღვანელი ნიკოლაი გორდიენკო და დეპუტატთა ნაწილი, კორუფციასა და 7 მილიარდი გრივნას გაფლანგვაში, უკრაინის პრემიერ-მინისტრს, არსენი იაცენუკს ადანაშაულებენ.

ხატია ლაღიძე