რუსეთის სახელმწიფო დუმას დეპუტატი, „ედინნაია რასიას“ წევრი ელენა მიზულინა ახალი ინიციატივით გამოდის და აცხადებს, რომ სავალდებულო არ არის ყველა ქალმა უმაღლესი განათლება მიიღოს.

მისი თქმით, რუსეთის დემოგრაფიული მდგომარეობა კატასტროფულ მდგომარეობაში იმყოფება, რადგან ახალგაზრდა და ჯანმრთელი ქალები შვილების გაჩენას, კარიერას ამჯობინებენ. მიზულინას განცხადებით, ტრადიციული ოჯახის ღირებულებები თითქმის გადაგვარდა, რის გამოც ქვეყანა გადაშენებისთვის არის განწირული. სახელმწიფოს კი ამის დაშვება არ შეუძლია.

კანონპროექტის დამტკიცების შემთხვევაში, რუსეთის მოქალაქე ქალებს უაღლესი განთლების მიღება და უნივერსიტეტებში სწავლის უფლება მხოლოდ იმ შემთხვევაში ექნებათ, თუკი მათ ბავშვი უკვე გაჩენილი ჰყავთ და ამის დამადასტურებულ მოწმობას წარადგენენ.

მიზულინას განცხადებით, მეფის რუსეთში ქალების უმრავლესობა გაუნათლებელი იყო, თუმცა ოჯახები 10-12 შვილი ჰყავდათ.

„სწავლა და მეცნიერება ქალის საქმე საერთოდ არ არის. ქალის მოვალეობა - ბავშვების გაჩენა და მათი აღზრდაა, ხოლო მეცნიერება და განათლება - მამკაცებს უნდა გადავაბაროთ. ჩვენ გვჭირდება მართლმადიდებელი, ჯანმრთელი გოგონები და არა ფერმკრთალი ფემინისტები“ - განაცხადა მან.

მოსკოვის პატრიარქმა, კირილმა აღნიშნულ ინიციატივას მხარდაჭერა უკვე გამოუცხადა.

„ბიბლიაში ნათქვამია, რომ ქალი შეიქმნა კაცისათვის და არა პირიქით. ამაში ქრისტიანობის დიდი მნიშვნელობა იკითხება - ქალი მის მეუღლეს უნდა დაემორჩილოს და ღვთისმოშიში იყოს. მცდელობა, ცოლი ქმარზე ჭკვიანი იყოს, უფლის წინაშე დიდი ცოდვაა“ - განაცხდა პატრიარქმა.

ხატია ლაღიძე