უკრაინის გენერალური პროკურორის მოადგილე, დავით საყვარელიძე 3500 თანამშრომლის გათავისუფლებას აპირებს.

მისი თქმით, ეს პროცესი 25 აპრილიდან დაიწყება.

„25 აპრილიდან პროკურატორის თანამშრომელთა რიცხვი 18.5 ათასიდან 15 ათასამდე შემცირდება. უკრაინას იმის ფუფუნება არ აქვს, თანამშრომლებით გაბერილი სისტემური უწყება ჰქონდეს“ - განაცხადა საყვარელიძემ.

მისივე თქმით, თვეზე მეტია, პროკურატურის თანამშრომლების ნაწილმა გათავისუფლების შესახებ ცნობა მიიღეს. საყვარელიძის განცხადებით, მუშაობის წესები გამკაცრდა, შესაბამისად თანამდებობას ის პირები დატოვებენ, რომლებიც სტანდარტებს ვერ აკმაყოფილებენ.

ხატია ლაღიძე