მოსკოვის სასამართლომ, რუსი ოპოზიციონერის, ბორის ნემცოვის მკვლელობაში ეჭვმიტანილებს პატიმრობის ვადა გაუხანგრძლივა. შადიდ გუბაშევი, ტამერლან ესკერხანოვი და ხაზმან ბახაევი პატიმრობაში 28 აპრილამდე, შემდეგ სასამართლო სხდომამდე დარჩებიან. დაკავებულები დანაშაულს უარყოფენ და გათავისუფლებას მოითხოვენ.

შეგახსენებთ, რუსი ოპოზიციონერი ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენებაც მისცა და განაცხდა, რომ ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. მოგვიანებით, მან ჩვენება შეცვალა და დანაშაულში მონაწილეობა უარყო.

ხატია ლაღიძე