პოლონური რადიო RMF FM-ი, სმოლენსკის ტრაგედიის ახალ დეტალებს, „შავი ყუთის“ ჩანაწერების გაშიფვრის შედეგად ახმაურებს.

რადიოს მიერ გავრცელებული ინფორმაციის მიხედვით, ჩანაწერების გაშიფვრის შედეგად გაირკვა, რომ არაუფლებამოსილი პირები, პილოტებს თვითმფრინავის დაშვებაში ხელს უშლიდნენ. უფრო მეტიც, ისინი მათი ყურადღების გაფანტვას ცდილობნენ და შემთხვევამდე ნახევარი საათით ადრე, კაბინაში ლუდიც კი შეუტანეს.

ინფორმაციის თანახმად, ბოლო ექსპერტიზის შედეგად სპეციალისტებმა, წინა გამოძებებთან შედარებით, 30%-ით მეტი სიტყვა გაშიფრეს.

RMF FM-ი ასევე იტყობინება, რომ პოლონეთის სამხედრო-საჰაერო ძალების მეთაური, ანდჟეი ბლასიკი, რომელიც პილოტების კაბინაში იმყოფებოდა, მათ მოქმედების შესახებ ინსტრუქციებს აძლევდა და არწმუნებდა, რომ ისინი უნდა დაშვებულიყვნენ,მაშინ როდესაც ძლიერი ნისლი იყო.

აუცილებელ დაშვებაზე საუბრობდა, პოლონეთის საგარეო საქმეთა სამინისტროს პროტოკოლის სამსახურის დირექტორი, მარიუშ კაზანიც.

რადიოსადგურის განცხადებით, ავიაკატასტროფამდე რამდენიმე წუთით ადრე, 20 წუთის განმავლობაში ჩამწერმა 7 მცდელობა დააფიქსირა, რომელიც დამშვიდებისა და სიჩუმისკენ მოუწოდებდა. „ ჩუმად... გადით აქედან... შეწყვიტეთ, გთხოვთ...“- დაფიქსირდა კატასტროფამდე 2.5 წუთით.

ჩანაწერების მიხედვით, ტრაგედიამდე ნახევარი საათით ადრე, პილოტებთან ერთან მყოფ უცნობ პირს სტიუარდესამ ლუდი შესთავაზა და მანაც დალია.

შეგახსენებთ, რამდენიმე კვირის წინ, პოლონეთის ხელისუფლებამ ავიაკატასტროფაში რუსი დისპეჩერები დაადანაშაულა. სახელმწიფო საავიაციო კომიტეტის ანგარიშის მიხედვით, ტექნიკურმა გამოკვლევამ აჩვენა, რომ ავიაკატასტროფა სისტემური მიზეზით - დისპეტჩერებს უპასუხისმგებლობითა და მათ მიერ ეკიპაჟის წევრების არასრული ინფორმირების გამო მოხდა. ვერსიის თანახმად, მათ, ცუდი ამინდის პირობებში ხილვადობის დონე სათანადოდ ვერ შეაფასეს. რამაც, ეკიპაჟის შეცდომაში შეყვანა და მეორე წრეზე მანევრის დაწყების დაგვიანება გამოიწვია.

2010 წლის აპრილში, სმოლენსკთან თვითმფრინავის ჩამოვარდნის შედეგად, უკრაინის პრეზიდენტი, ლეხ კაჩინსკი და პოლონური დელეგაციის 100 წევრი დაიღუპა.

ხატია ლაღიძე