ბიზნესმენ ბესიკ ხარძიანის სავარაუდო მკვლელის ვინაობა ცნობილია. ამის შესახებ ხარძიანის ოჯახის ადვოკატმა მალხაზ სალაყაიამ განაცხადა.

მისი თქმით, სავარაუდო დამნშავემ გადაადგილებისას ბევრი მტკიცებულება დატოვა.

ადვოკატი ვარაუდობს, რომ გამოძიება მკვლელის დაკავებასთან ძალიან ახლოსაა.

„სავარაუდო დამნაშავის იდენტიფიკაცია მოხდენილია. გეტყვით იმას, რომ ეს არც ყმაწვილკაცია და არც შუახნის მამაკაცი. იმდენი მტკიცებულება არსებობს დამნაშავის მიმართ, რომ მისი ჩვენების აუცილებლობაც კი არ არსებობს. ძიების პროცედურები დასრულებულია. ახლა მხოლოდ ძებნის დაკავება დარჩა, სხვა ყველაფერი ცნობილია. ყველა საფუძველი არსებობს იმისა, რომ ცდომილება არ მოხდეს“, - განაცხადა მალხაზ სალაყაიამ.

ბესიკ ხარძიანი 28 მარტს საკუთარ სახლთან მოკლეს.