თურქეთის ხელისუფლებამ სოციალური ქსელების, „ტვიტერისა“ და „იუთუბის“ დაბლოკვის გადაწყვეტილება მიიღო. ადგილობრივი მედიის ინფორმაციით, სოციალური ქსელების წვდომის შეზღუდვის გადაწყვეტილება მას შემდეგ მიიღეს, რაც, მძევლად აყვანილი პროკურორის ფოტოები გავრცელდა.

თავდაპირველად, თურქეთის ხელისუფლება „ფეისბუკის“ დაბლოკვასაც გეგმავდა, თუმცა მას შემდეგ რაც სოციალური ქსელის წარმომადგენლება, ფოტოები წაშალეს, თურქეთმა გადაწყვეტილება შეცვალა.

ფოტოების გამოქვეყნებისთვის, ქვეყნის მასშტაბით 150-ზე მეტი საიტი დაიბლოკა.

შეგახსენებთ, 1 აპრილს, თურქი პროკურორი, მეჰმედ სელიმ კირაზი, რომელიც 2 013 წელს, ანტისამთავრობო გამოსვლების დროს დაღუპული ბერკინ ელვანის საქმეს იძიებდა, სტამბოლის სასამართლოში ორმა შეიარაღებულმა პირმა მძევლად აიყვანა. თავდამსხმელები ბიჭს მკვლელობაში ეჭვმიტანილი პოლიცილეის დასჯას ითხოვდნენ, წინააღმდეგ შემთხვევაშ პროკურორის მოკვლით იმუქრებოდნენ. პროკურორი, სამართალდამცავების მიერ ჩატარებული სპეცოპერაციის დროს დაიჭრა და საავადმყოფოში გარდაიცვალა.

ხატია ლაღიძე