იემენის საგარეო საქმეთა სამინისტრო, რუსეთს, ამბოხებული ჰუსიტების იარაღით მომარაგებაში ადანაშაულებს.

"Channel 5"-ის ინფორმაციით, ამის შესახებ, თავად საგარეო საქმეთა მინისტრმა განაცხადა. მისი თქმით, იემენიდან რუსეთის მოქალაქეების ევაკუაცისთვის გაგზავნილი რუსული ვერტმფრენები იარაღით იყო დატვირთული, რომელიც ამბოხებულებს საიდუმლოდ გადაეცა.

დიპლომატი ოფიციალურ მოსკოვს, სიტუაციის ახსნისა და შეიარაღებულ კონფლიქტში ჩარევისგან თავის შეკავებისკენ მოუწოდებს.

რუსული მხარე ბრალდებას უკვე გამოეხმაურა.

რუსეთის საგარეო საქმეთა სამინისტროს ოფიციალურმა წარმომადგენელმა, ალექსანდრ ლუკაშევიჩმა, იემენის დიპლომატის მიერ გავრცელებულ ინფორმაციას ტყუილი, „აბსურდული, უპასუხისმგებლო და პროვოკაციული“ უწოდა და განაცხადა, რომ რუსული თვითმფრინავები იემენში, საბრძოლო მოქმედებების ზონიდან მოშორებით მხოლოდ იმისთვის ჩაფრინდნენ, რომ სახიფათო ზონიდან რუსეთის მოქალაქეები გამოეყვანათ.

ხატია ლაღიძე