ჩეხეთის პრეზიდენტი, მილოშ ზემანი, ჩეხეთში აშშ-ის ელჩთან, ენდირუ შაფიროსთან შეხვედრასა და შემდგომ კონტაქტს აღარ აპირებს. ამის შესახებ, ზემანმა ჩეხურ გამოცემა - Parlamentnilisty-ისთან მას შემდეგ ისაუბრა, რაც ელჩმა, ჩეხეთის პრეზიდენტი მოსკოვში მეორე მსოფლიო ომის დასრულების 70-ე წლისთავთან დაკავშირებით დაგეგმილ ღონისძიებებზე შესაძლო დასწრების გამო გააკრიტიკა.

ზემანის განცხადებით, დიპლომატებს საგარეო ვიზიტების დაგეგმვაში ჩარევის უფლება არ აქვთ.

მისი თქმით, პრაღის სასახლის (პრეზიდენტის რეზიდენციის) კარი აშშ-ის ელჩისთვის, ენდრიუ შაპიროსთვის დახურულია.

აღნიშნულ განცხადებას ოფიციალური ვაშინგტონი ჯერ არ გამოხმაურებია.

ჩეხეთის პრეზიდენტი ცნობილია მისი პრორუსული პოზიციით. ზემანი, უკრაინაშ რუსეთის მონაწილეობას უარყოფს და რუსეთისთვის დაწესებულ სანქციებსა და შეზღუდვებს ეწინააღმდეგება.

ხატია ლაღიძე