ადამიანი, რომელიც შემწვარი კარტოფილით თვრება

ეს საინტერესოა - 17:39, 04 Apr, 2015

5562

თავიდან, ამერიკელი ნიკ ჰესი საკმაოდ დაბნეული და შეშინებული იყო - "ჩემს თავს რაღაც უჩვეულო ხდებოდა - საკმარისი იყო შემწვარი კარტოფილი მეჭამა და მე უცებ ვულგარული იდიოტად გადავიქცეოდი ხოლმე," - ყვება იგი BBC-სთან საუბრისას. იგი მთვრალივით იქცეოდა. ნიკს ეგონა, რომ მას დასცინოდნენ, სანამ მას საკუთარი საქციელი ვიდეოზე არ აჩვენეს. მან უყურა ვიდეოს და დარწმუნდა, რომ იგი მთვრალივით იქცეოდა.

მას მოულოდნელად ეწყებოდა გულისრევის შეგრძნება, ტკიოდა მუცელი და თავი. ეს მთელი წელი გრძელდებოდა და სიმთვრალისთვის დამახასიათებელი სიმპტომები რამოდენიმე დღეც კი არ გადიოდა.

აღსანიშნავია, რომ იგი ალკოჰოლს არ ეკარება საერთოდ, მაგრამ ამისი არავის სჯეროდა. ერთ დღეს ცოლმა მთელი სახლიც კი გადააბრუნა, მაგრამ ვერაფერი აღმოაჩინა.

ნიკის მეუღლე მიხვდა, რომ ნიკს ე.წ. "შინაგანი ლუდხარშვის სინდრომი" სჭირდა. ეს საკმაოდ იშვიათი დაავადებაა, რომელიც დღემდე ექიმებს შორის კამათის საგანია. საკმარისია დაავადებულმა ადამიანმა შაქრის და ნახშირწყლების დიდი რაოდენობა მიიღოს, რომ მის ორგანიზმში, საჭმლის გადამუშავების დროს იქყება პროცესები, რომელიც ალკოჰოლის წარმოქმნას უწყობს ხელს. ამის მიზეზი საჭმლის მომნელებელ სისტემაში საფუარისმსგავსი სოკოების დიდი რაოდენობით არსებობაა, რაც ორგანიზმში შაქრისშემცველი საჭმლის მოხვედრისას სისხლში ენდოგენური ალკოჰოლის წარმოქმნას უწყობს ხელს. წარმოიქმნება იმ რაოდენობის ალკოჰოლი, რომელსაც 7 პორცია ვისკი შეიცავს. აღსანიშნავია, რომ ასეთი ალკოჰოლი ორგანიზმიდან რთულად გამოდის. აღსანიშნავია, რომ საფუარისმსგავსი სოკოების დიდი ოდენობით წარმოშობას ანტიბიოტიკების ჭარბი რაოდენობითა და დიდი ხნის განმავლობაში მიღებაც იწვევს.

ნიკი უსაზღვროდ მადლობელია მისი ცოლის, რომელმაც შესაბამისი პრობლემის კვლევით დაკავებულ ექიმებს მიმართა. მათ სოკოსსაწინააღმდეგო პრეპარატები და დიეტა დაუნიშნეს.

"ამ შემთხვევებს ხანდახან მაინც აქვს ადგილი, ძირითადად რამდენიმე თვეში ერთხელ, მაგრამ მე დავისვენე, მადლობა ჩემს ცოლს, მან არ დაყარა ფარხმალი და ჩემი დაავადების განსაკურნავად მოიძია ის ხალხი, რომელმაც დახმარება აღმომიჩინეს," - ამბობს ჰესი.