უკრაინაში, სერბი მომღერლის, გორან ბრეგოვიჩის კონცერტები ჩაიშალა.

ამის შესახებ განცხადებას, კონცერტის ორგანიზატორი კომპანია, „კვარტალ-კონცერტი“ საკუთარ ვებგვერდზე აკეთებს.

ორგანიზატორთა განცხადებით, კონცერტების გაუქმების მიზეზი ის სიტუაციაა, რომელიც მომღერლის ირგვლივ მას შემდეგ შეიქმნა, რაც მან 2015 წლის 26 მარტს ყირიმში იმღერა.

ბრეგოვიჩის კონცერტები, 26-27- და 28 მაისს, უკრაინის სამ ქალაქში იყო დაგეგმილი.

უკრაინულ მედიაში გავრცელებული ინფორმაციით, კონცერტების გაუქმება უკრაინის საგარეო საქმეთა სამინისტროს წარმომადგენლის, ევგენი პერებინისის განცხადებას უკავშირდება. ბრეგოვიჩის მიერ ყირიმში ჩატარებული კონცერტის შემდეგ, პერებინისმა განაცხადა , რომ სამინისტრო მკაცრ მონიტორინგს ჩაატარებს იმ საზოგადო მოღვაწეებისა და პოლიტიკოსების ვიზიტებზე, რომელთა ქმედებები თუ განცხადებები ყირიმისა და უკრაინის მოვლენებს უკავშირდება.

ხატია ლაღიძე