იაპონიაში მსოფლიოში ყველაზე ხანდაზმული ქალბატონი, ზემლი მისაო ოკავა 117 წლის 1 აპრილს გარდაიცვალა. გარდაცვალებამდე ცოტა ხნით ადრე მიცემულ ინტევიუში, ოკავამ დღეგრძელობის საიდუმლო გაამჟღავნა და აღნიშნა, რომ ჯანმრთელობას ხელს გემრიელი საკვები უწყობდა.

„იმისათვის რომ დიდხანს იცოცხლოთ, სხვადსხვა ტკბილეული უნდა მიირთვათ“- განაცხადა ოკავამ და დასძინა, რომ მისი საყვარელ კერძებს სუში, სკუმბრია და ტკბილეულობა წარმოადგენს.

117-ე იუბილე უხუცესმა ქალბატონმა 4 მარტს, ოჯახის წევრების გარემოცვაში აღნიშნა.

მისაო ოკავა 1898 წელს ოსაკაში დაიბადა. მას სამი შილი, 4 შვილიშვილი და ექვსი შვილთაშვილი ჰყავდა.

სიცოცხლის ბოლო წლებში უხუცესი ქალბატონი მოხუცთა თავშესაფარში ცხორვობდა.