გამოცემა, The telegraph-ი 17 წლის დაბერებული გოგონას ისტორიაზე წერს.

ამერიკელი გოგონა, ჰაილი ოკინესი, რომელიც იშვიიათი დაავადებით - ნაადრევი დაბერების სინდრომით იყო ავად, 17 წლის ასაკში 104 წლის ქალის სხეულით გარდაიცვალა.

ნაადრევი დაბერების სინდრომის ანუ ჰაჩინსონ-ჯილფორდის სინდრომის მქონე ბავშვები, ჩვეულებრივზე 10-ჯერ უფრო სწრაფად ბერდებიან.

გოგონას დედამ ფეისბუქის გვერდზე შემდეგი სტატუსი დაწერა: „ჩემი შვილი სადღაც, უკეთეს ადგილას წავიდა. 9:39 საათზე, ჩემს მკლავებში უკანასკნელად ამოისნუქთა.“

ჰაილი ოკინესის მშობლებს, ექიმებმა 13 წლის სიცოცხლე მისცეს. გოგონამ, დაბერების შესაჩერებლად ექსპერიმენტული მკურნალობაც დაიწყო, თუმცა პნევმონიისგან გარდაიცვალა.

ჰაილის შესახებ გადაღებულია რამდენიმე დოკუმენტური ფილმი. 14 წლის ასაკში, მან ავტობიოგრაფიული წიგნიც გამოსცა.

მიუხედავად მძიმე მდგომარეობისა, ჰაილი აქტიურად ცხოვრობდა. დაცურავდა დელფინებთან ერთად, მოგზაურობდა მსოფლიოს გარშემო, შეხვდა პრიც ჩარლზს, კაილი მონიუგსა და მის კუმირს, ჯასტინ ბიბერს.

მსოფლიოში, მსგავსი სულ 50 შემთხვევაა ცნობილი.

პროგრესული გენეტიკური აშლილობა ბავშვს, დაბადებისთანავე არ აღენიშნება. ის დროთა განმავლობაში ზრდის შეწყვეტის, კანის დაბერების, სახის დაპატარავებით იჩენს თავს. ბავშვები ჯანმრთელობასთან დაკავშირებულ ისეთ პრობლემებს განიცდიან, როგორსაც მოხუცები, კერძოდ გულ-სისხლძარღვთა პრობლემები, სახსრების ტკივილი...

სამწუხაროდ, მსგავსი დაავადების მქონე ბავშვები საშუალოდ 13 წლამდე ცოცხლობენ.

ხატია ლაღიძე