პოლონელმა საიდუმლო სამსახურის თანამშრომლებმა, ვარშავის ერთერთ რესტორანში, პოლონეთისა და ნიდერლანდების თავდაცვის მინისტრების შეხვედრის დაწყებამდე, მოსასმენი მოწყობილებობი აღმოაჩინეს.

პოლონეთის თავდაცვის მინისტრის, ტომაშ სემონიაკის განცხადებით, სპეცსამსახურის თანამშრომლებმა, მოსასმენი ხელსაწყოები იმ ოთახში აღმოაჩნეს, სადაც მინისტრების შეხვედრა უნდა გამართული.

„ძალიან დიდი სირცხვილი იქნებოდა, ჩვენი საუბარი რომ ჩაეწერათ. თუმცა, ჩვენმა თანამშრომლებმა მომზადებისა და პროფესიონალიზმის მაღალი დონე გამოამჟღავნეს და ეს სირცხვილი თავიდან აგვარიდეს“ - განაცხადა მინისტრმა.

მისი თქმით, ყველა მნიშვნელოვანი შეხვედრა, სპეციალურად მომზადებულ ადგილებში ტარდება და კონფიდენციალურობის საკითხების დაცვას უდიდესი მნიშვნელობა ენიჭება.

შეგახსენებთ, ჩანაწერების სკანდალში პოლონეთი 2014 წელსაც გაეხვა. მაშინ, ჩინოვნიკების საუბრების ჩანაწერების მთელი სერია გამოქვეყნდა, რომელშიც პოლიტიკოსები უკანონო საქმეებსა და ოპერაციებს განიხილავდნენ.

ხატია ლაღიძე