ბელგიის პოლიციამ, დაკარგული პოლიტიკოსის, სტივ შტევარტის ცხედარი, ჰასელტის ერთერთ არხში იპოვა.

პოლიტიკოსი, მას შემდეგ გაუჩინარდა, რაც შეიტყო, რომ გაუპატიურებაში სდებდნენ ბრალს.

60 წლის შტევარტი, "სოციალ-დემოკრატიული პარტიის" ლიდერი იყო, ის ასევე ქალაქ ჰასელტის მერის და ლიმბურგის პროვინციის გუბერნატორის პოსტებსაც იკავებდა.

სავარაუდოდ, პოლიტიკოსმა თავი მოიკლა. ბელგიურ მედიაში გავრცელებული ინფორმაციით, მან გამოსამშვიდობებელი წერილიც დატოვა, რომელსაც პოლიცია სწავლობს.

პოლიციის განცხადებით, პოლიტიკოსის ცხედარს მისი ველოსიპედის მეშვეობით მიაგნეს, რომელიც არხთან ახლოს იპოვეს.

ხატია ლაღიძე