თურქეთში, სტამბოლის პოლიციის შენობაზე თავდასხმა განხორციელდა. ორმა შეიარაღებულმა პირმა, შენობას ცეცხლი ავტომობილიდან გაუხსნა. ადგილობრივი მედიის ინფორმაციით, ორმხრივი სროლის შედეგად, პოლიციამ ერთერთი თავდამსხმელი ქალის ლიკვიდაცია მოახდინა, რომელსაც თან ასაფეთქებელი მოწყობილობა აღმოაჩნდა. დაიჭრა მისი თანამზრახველი მამაკაცი, რომელიც პოლიციამ შემთხვევის ადგილზე დააკავა.

ბოლო ორი დღის განმავლობაში, სტამბოლის სახელმწიფო შენობაზე თავდასხმის მეორე ფაქტი დაფიქსირდა. გუშინ, მმართველი პარტიის ოფისში ორი შეიარაღებული პირი შეიჭრა, რომლებმაც ფანჯრები ჩაამსხვრიეს და თურქეთის დროშა გამოფინეს. პოლიციამ ორივე პირი სპეცოპერაციის დროს მოკლა.

ხატია ლაღიძე