ოხოტის ზღვაში, კამჩატკის სანაპიროებთან რუსული თევზსაჭერი ტრაილერი „დალნი ვასტოკი“ ჩაიძირა.

ბორტზე რუსეთის, უკრაინის, მიანმის, ლატვიისა და ვანუატუს 132 მოქალაქე იმყოფებოდა. მაშველებმა 63 ადამიანის გადარჩენა შეძლეს. მათგან 10 მეზღვაური კომაში იმყოფება. აღმოჩენილია 53 ადამიანის ცხედარიც. ეკიპაჟის 16 წევრის ძიება ამ დრომდეც გრძელდება.

სამძებრო-სამაშველო სამუშაოებში 26 გემია ჩართულია. ოპერაციაზე ხელმძღვანელობა საკუთარ თავზე რუსეთის საგამოძიებო კომიტეტმა აიღო. გამოძება კატასტროფის გამომწვევი მიზეზების დადგენაზე მუშაობს.

ხატია ლაღიძე