რუსი ოპოზიციონერის, ბორის ნემცოვის მკვლელობაში ეჭვმიტანილ ზაურ დადაევის ადვოკატის განცხადებით, დადაევი გამოძიებასთან არ თანამშრომლობს და ის ნემცოვის მკვლელობას უარყოფს.

მისივე თქმით, ეჭვმიტანილმა აღიარებითი ჩვენება ზეწოლის ქვეშ მისცა და მასზე ელექტროშოკი გამოიყენეს.

"აღიარებითი ჩვენება ზეწოლის შედეგად, კრნახით მივეცი. ჩემ წინააღმდეგ არანაირი მტკიცებულება არ არსებობს. ალიბი მაქვს, მკვლელობის დროს სახლში ვიყავი" - განაცხადა დადაევმა სასამართლო პროცესზე.

შეგახსენებთ, დღეს, რუსეთის საგამოძიებო სამსახურის მიერ გავრცელებული ოფიციალური განცხადების მიხედვით ზაურ დადაევმა და ჰაზმატ ბახაევმა აღიარებითი ჩვენებები მისცეს, რომლითაც ნემცოვის მკვლელობაში მონაწილეობა აღიარეს.

რუსი ოპოზიციონერი ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენებაც მისცა და განაცხდა, რომ ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. მოგვიანებით, მან ჩვენება შეცვალა და დანაშაულში მონაწილეობა უარყო.

ხატია ლაღიძე