„თურქიშ ეარლაინსის“ სამგზავრო თვითმფრინავი, რომელიც სტამბოლი-ლისაბონის რეისს ასრულებდა, იძულებული გახდა ათათურქის საერთაშორისო აეროპორტში დაბრუნებულიყო.

თურქული მედიის ინფორმაციით, ფრენის შეწყვეტის მიზეზი, ბორტზე ბომბის არსებობის საფრთხე გახდა.

ბოლო ერთი კვირის განმავლობაში ეს თურქეთში ტერორიზმის საფრთხის გამო ჩაშლილი მესამე საჰაერო რეისია.

29 მარტს „თურქიშ ეარლაინის“ თვითმფრინავმა, სტამბოლი-ტოკიოს რეისი მსგავსი მიზეზით შეწყვიტა.

30 მარტს, კი ავიაკომპანიამ სტამბოლი-სან პაულუს რეისი შეაჩერა და კასაბლანკას აეროპორტში საგანგებო დაშვება განახორციელა. მაშინ ბორტზე საპირფარეშოში კედელზე წარწერა - "ბომბი" აღმოაჩინეს.

ორივე შემთხვევა ცრუ განგაში აღმოჩნდა.

ხატია ლაღიძე