რუსეთის ფინანსთა ყოფილი მინისტრის, ალექსეი კუდრინის განცხადებით, რუსეთს ყირიმის მიერთება მნიშვნელოვან დარტმას მიაყენებს. მისი თქმით, ყირიმის მიერთებით ქვეყნის ეკონომიკურმა დანაკარგმა, 3-4 წლიწადში შესაძლოა 140-200 მილიარდ დოლარს მიაღწიოს.

„რუსეთს ყირიმის დაფინანსება, წლის განმავლობაში 7.6 მილიარდი დოლარი დაუჯდება. იმის გათვალისწინებით, რომ არაპირდაპირი ხარჯებიც დიდია, 3 ან 4 წლის განმავლობაში, საერთო დანახარჯი 150-200 მილიარდი დოლარი იქნება“ - განაცხადა კუდრინმა.

კუდრინის თქმით, არაპირდაპირ დანაკარგებს, დაწესებული საქნციები და რუსეთის მიმართ მსოფლიო ეკონომიკის დამოკიდებულება გამოიწვევს. მისივე თქმით, 2015 წელს რუსეთში, ინვესტიციები შემცირდება, მომდევნო ხუთი წლის განმავლობაში კი რუსეთის ეკონომიკის სტაგნაცია დაიწყება.

ხატია ლაღიძე