უეფა-ს სადისციპლინო კომიტეტმა, საქართველოს ნაკრებს შესაძლოა სანქციები დაუწესოს, რომლის მიხედვიდაც ქართველ ფეხბურთელებს მომდევნო მატჩის ჩატარება გულშემატკივრების გარეშე მოუწევთ.

სანქციების დაწესების აუცილებლობაზე მსჯელობა, საქართველი-გერმანიის მატჩის მიმდინარეობისას, მოედანზე გულშემატკივართა შეჭრამ გამოიწვია.

შეგახსენებთ, საქართველოსა და გერმანიის ეროვნულ ნაკრებებს შორის, ევროპის ჩემპიონატის საკვალიფიკაციო ეტაპის მატჩი თბილისის ეროვნულ სტადიონზე, 29 მარტს გაიმართა. მატჩი, გერმანელთა გამარჯვებით - 0:2 დასრულდა.

აღნიშნული შეხვედრის მსვლელობისას, მოედანზე ქომაგები რამდენჯერმე შეიჭრნენ.

მოედანზე გულშემატკივართა შეჭრის ფაქტს, უეფა-ში უახლოეს სხდომაზე განიხილავენ. სანქციების დაწესების შემთხვევაში, ეროვნულ ნაკრებს ფულადი ჯარიმის გადახდა და შოტლანდიის ეროვნული ნაკრებთან შეხვედრის ჩატარება, ქართველი გულშემატკივრების გარეშე, ცარიელი ტრიბუნების ფონზე მოუწევს.

ხატია ლაღიძე