შინაგან საქმეთა სამინისტროდან გათავისუფლებული რუსლან ბაზიაშვილი ამბობს, რომ შსს კრიმინალურ სტატისტიკას აყალბებს.

როგორც თბილისის პროკურატურასთან ბაზიაშვილმა განაცხადა, სწორედ ქვეყანაში შექმნილი კრიმინალური ვითარება გახდა მიზეზი, რომ გივი თარგამაძისთვის ინფორმაცია მიეწოდებინა.

„სახელმწიფო იმის ნაცვლად, რომ ებრძოდეს კრიმინალურ ვითარებას, გვებრძვიან პოლიციელებს. საქართველოში მძიმე კრიმინალური სიტუაციაა და ამის გამო მივიღე გადაწყვეტილება, რომ ინფორმაცია მიმეწოდებინა დეპუტატისთვის. კრიმინალურ სტატისტიკას შინაგან საქმეთა სამინისტრო აყალბებს. რაც შეეხება იმას, რომ ინფორმაციის სანაცვლოდ თანხა ავიღე, არასწორი ინფორმაციაა“, - განაცხადა ბაზიაშვილმა.

შეგახსენებთ, შინაგან საქმეთა სამინისტრომ გივი თარგამაძისთვის ინფორმაციის მიწოდების გამო შსს-ს თანამშრომელი რუსლან ბაზიაშვილი გაათავისუფლა.

ამ წუთებში ბაზიაშვილი თბილისის პროკურატურაში დაკითხვაზე იმყოფება.