თანამედროვე ქალებმა საჭმლის კეთება არ იციან

ეს საინტერესოა - 23:17, 30 Mar, 2015

2539

ბრიტანელმა მეცნიერებმა დაადგინეს, რომ თანამედროვე ქალებმა საჭმლის კეთება არ იციან. ისინი არამხოლოდ რთულად მოსამზადებელ, არამედ მარტივ საჭმელსაც ვეღარ აკეთებენ.

როგორც აღმოჩნდა საშუალოსტატისტიკურმა ლონდონელმა ქალმა მხოლოდ 7 სახეობის საჭმლის მომზადება იცის. ამას გარდა, კვლევებმა აჩვენეს, რომ მამაკაცები სადილისა და ვახშმის მომზადებას ბევრად უკეთესად ართმევენ თავს.

კვლევის თანახმად, ყოველი მეოცე ბრიტანელი ქალბატონი მზა საუზმეს ყიდულობს, ხოლო ყოველ მეექვსეს წარმოდგენა არ აქვს როგორ შეიძლება გამოაცხოს ტორტი. გამოკითხულთა უმეტესობას არასდროს მოუმზადებია ბეზე და არ იციან როგორ კეთდება კარტოფილთან ერთად შემწვარი ხორცი. იყო ისეთი შემთხვევებიც, როდესაც აღმოჩნდა, რომ ქალს არასდროს მოუხარშავს კვერცხი.

მეცნიერები აცხადებენ, რომ ეს იმის შედეგია, რომ თანამედროვე ქალები დროის უმეტეს ნაწილს სამსახურს უთმობენ. სახლში დაბრუნებულებს კი სადილის მოსამზადებლად ძალები აღარ აქვთ. მაქსიმუმ რისი გაკეთებაც შეუძლიათ ეს ნახევრადფაბრიკატების გაცხელება ან შეწვაა. ამასთანავე სტერეოტიპი, რომ სამზარეულო ქალის საქმეა უკვე დიდი ხნის მოძველებულია. საკვები კი იმ ადამიანმა უნდა მოამზადოს ვისაც ამის დრო და ენერგია ექნება.