ბოლო ობოლი არ ვიქნები, რომელსაც მშობელს დღისით მოუკლავენ

ბოლო ობოლი არ ვიქნები, რომელსაც მშობელს დღისით მოუკლავენ - მიხეილ ხარძიანი

სამართალი - 16:03, 30 Mar, 2015

12378

მოკლული ბიზნესმენის ბესიკ ხარძიანის შვილმა მიხეილ ხარძიანმა განაცხადა, რომ აპირებს პირადად გამოიძიოს მამამისის მკვლელობის საქმე და თუ სახელმწიფო დროულად არ გაახელს თვალს, იგი არ იქნება ბოლო ობოლი რომელსაც მშობელს დღისით მოუკლავენ.

მისი შეფასებით, მსგავსი ფაქტები საქართველოში მხოლოდ იმიტომ ხდება, რომ ხელისუფლებაში სახეები იცვლებიან, მმართველობის სტილი კი უცვლელი რჩება.

„სამწუხაროდ ამ ქვეყანაში მამაჩემმა სამართალი ვერ იპოვა, მე კი სამართალს აუცილებლად ვიპოვი, ამას ყველას ვპირდები. მალე გამოჩნდება ვინ იყო მამაჩემის მტერი და ვინ მოყვარე. გეკითხებით, მერამდენე ადამიანს კლავენ საქართველოში დღემდე და რატომ არავინ აგებს პასუხს? უკან არაფერზე დავიხევ“,- განაცხადა მიხეილ ხარძიანმა.

მიხეილ ხარძიანმა გია უდესიანის შესახებ საუბრისგან თავი შეიკავა.

ბესიკ ხარძიანს 28 მარტს საკუთარ სახლთან ესროლეს. ის მიყენებული ჭრილობების შედეგად საავადმყოფოში გარდაიცვალა. მომხდარზე გამოძიებას პროკურატურა აწარმოებს. ფაქტზე აღძრულია საქმე სისხლის სამართლის კოდექსის 108-ე მუხლით, რაც განზრხა მკვლელობას გულისხმობს.

ამის შესახებ მიხეილ ხარძიანმა „კვირის პალიტრასთან“ ინტერვიუში ისაუბრა.