კავკასიასა და ცენტრალურ აზიაში ნატოს გენერალური მდივნის სპეციალური წარმომადგენლის ჯეიმს აპატურაის განცხადებით, უელსის სამიტზე მიღებული ნატო-საქართველოს თანამშრომლობის არსებითი პაკეტის განხორციელება კარგი შედეგით მიმდინარეობს.

„ტემპი ძალიან კარგია. ჩვენი ექსპერტები საქართველოს ერთობლივი საწვრთნელი ცენტრის ჩამოყალიბებაში ეხმარებიან, ჩვენ შევქმენით სპეციალური ჯგუფი, რომელიც მალე საქართველოში იქნება და ზაფხულში ერთობლივ სასწავლო წვრთნებს ჩავატარებთ. ნატო სწრაფ ნაბიჯებს არ დგამს, მაგრამ ამ შემთხვევაში ასე ვიქცევით! საქართველოს მთავრობაც ასეთივე სწრაფი და ერთგული იყო“- განაცხადა აპატურაიმ.

ხატია ლაღიძე