ხარძიანის საქმეზე სათვალთვალო კამერებით გადაღებული კადრების შესწავლა დაიწყო

სამართალი - 11:21, 30 Mar, 2015

2880

ბესო ხარძიანის მკვლელობის საქმეზე სათვალთვალო ვიდეოკამერის მიერ გადაღებული კადრების შესწავლა დაწყებულია. ინფორმაციას ამის შესახებ ოჯახის ადოკატი ავრცელებს. მალხაზ სალაყაიას თქმით, მკვლელობის ადგილიდან ამოღებულია ნივთმტკიცებები, რის მიხედვითაც უნდა დადგინდეს ბრალდებულის ვინაობა.

„რა მიმართულებითაც შეიძლება გადაადგილებულიყო სავარაუდოდ პირი რომელმაც ეს დანაშაული ჩაიდინა, იშიფრება ყველა კამერა, რომელიც მუშა მდგომარეობაშია. კანონის მოთხოვნა და ვალდებულებაა და მის ინტერესებშია, რაც შეიძლება სწრაფად იქნას დადგენილი პირი, რომელიც უნდა მიეცეს სისხლის სამართლის პასუხისგებაში ბრალდებულის სახით,“ - განაცხადა მალხაზ სალაყაიამ.

სალაყაიას განცხადებით, გამოძიებას ეჭვმიტანილი არ ჰყავს მაგამ არსებობს მისი ფოტორობოტი, რომელიც მოწმების დაკითხვის საფუძველზე შეიქმა. ხარძიანის მკვლელობის საქმეზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს.

ბესიკ ხარძიანს 28 მარტს საკუთარ სახლთან ესროლეს. ის მიყენებული ჭრილობების შედეგად საავადმყოფოში გარდაიცვალა. მომხდარზე გამოძიებას პროკურატურა აწარმოებს. ფაქტზე აღძრულია საქმე სისხლის სამართლის კოდექსის 108-ე მუხლით, რაც განზრხა მკვლელობას გულისხმობს.