ვისთან ერთად იმყოფებოდა მკვლელობამდე ერთი საათით ადრე ხარძიანი სასტურმო ,,საქართველოში“?

სამართალი - 16:11, 29 Mar, 2015

7041

პროკურატურაში სამი საათის განმავლობაში გამოძიების კითხვებს პასუხობდა ბესიკ ხარძიანის მეგობარი კანდიდ კვიციანი, რომელიც ბიზნესმენს მკვლელობამდე ცოტა ხნით ადრე ტელეფონით ესაუბრა. კანდიდ კვიციანმა საგამოძიებო უწყებას ინფორმაცია მიაწოდა იმ შეხვედრის შესახებ, რომელიც გუშინ სასტუმრო ,,საქართველოში“, როგორც კვიციანმა ჟურნალისტებს განუცხადა, მკველობამდე დაახლოებით ერთი საათით ადრე ის ხარძიანს შეხვდა, სადაც მასთან ერთად იმყოფებოდა ემზარ კვიციანი და ხარიძანის მეგობარი. მისი თქმით, შეხვედრაზე საუბარი შეეხებოდა მხოლოდ ერთობლივ ბიზნესს. როგორც კანდიდ კვიციანი ამბობს, ის ხარძიანთან და ემზაკ კვიციანთან ერთად აპირებდა სამშენებლო კომპანიის შექმნას. კანდიდ კვიციანი აცხადებს, რომ ხარძიანს არ უსაუბრია იმაზე, ჰქონდა თუ არა ვინმესთან რაიმე სახის კონფლიქტი

,,ერთობლივი ფირმის გაკეთება გვინდოდა. თქვა, რომ რამე ბიზნესი მინდა წამოვიწყოო, ერთმანეთს გამოცდილება გავუზიაროთო“ - აცხადებს კვიციანი. მისი თქმით, შეხვედრას ესწრებოდა მეოთხე პირი - ზურა, რომელიც ხარძიანის მეგობარი იყო, ,,გვარი არ მახსოვს ზურასი, მისი მეგობარი ბიზნესმენი იყო და სამომავლოდ ვფიქრობდით მის დირექტორად დანიშვნას“ - ამბობს კვიციანი.

,,რაც მე გუშინ ვნახე, იყო აბსოლუტურად მშვიდად, არაფერი არ ეტყობოდა. რამე რომ შეგვემჩნია, ჩვენც არ დავტოვებდით და გავყვებოდით. მკითხეს კიდეც ვინმე ხომ არ ემუქრებოდა, თუმცა ასეთი არაფერი არ უთქვამს ჩემთვის, რომ ვინმე დამუქრებოდა“ - განუცხადა ჟურნალისტებს პროკურატურიდან გამოსულმა კვიციანმა

ბესო ხარძიანის მკვლელობის საქმეზე, ამ დრომდე დაკითხულია მხოლოდ მოკლული ბიზნესმენის შვილი და მისი მეგობარი კანდიდ კვიციანი.