უდესიანის ოჯახი დაჩი ცაგურიას და ირაკლი კორძაიას სასამართლოში უჩივის

სამართალი - 15:56, 29 Mar, 2015

3440

დაჩი ცაგურიას და ირაკლი კორძაიას უდესიანების ოჯახი ცილისწამებაში ადანაშაულებს და უახლოეს დღეებში სასამართლოში სარჩელის შეტანას აპირებს. გია უდესიანის დების თქმით, იმ შემთხვევაში თუ დაუსაბუთებელი ბრალდებები გაგრძელდება ხარძიანების ოჯახის მხრიდანაც მათ წინააღმდეგაც სასამართლოს ანალოგიურიუ სარჩელით მიმართავენ.

,,ამ დღეებში აღიძვრება სარჩელი ჩვენი ოჯახის მხრიდან დაჩ ცაგურიას და ირაკლი კორძაიას მიმართ, რომლებმაც ტელეეთერში ცილისმწამებლური და თავზე ხელაღებული განცხადებები გააკეთეს. გია უდესიანი მათ უაპელაციოდ მკვლელად დაასახელეს, ყოველგვარი დასაბუთების გარეშე. ჩვენ აუცილებლად შევიტანთ სარჩელს მათ წინააღმდეგ. რაც შეეხება ხარძიანის ოჯახის წევრების განცხადებას, ისინი არიან აღელვებული, აფექტურ მდგომარეობაში, გვესმის, თუმცა მათაც მოვუწოდებდი რომ დაელოდონ გამოძიებას. უპირველესად ჩვენს ინტერესში და გია უდესიანის ინტერესში შედის, რომ ჩატარდეს ობიექტური გამოძიება“ - აცხადებენ გია უდესიანის დები.

ბიზნესნემ ბესო ხარძიანის მკვლელობა ხარძიანის ახლობლებმა და ოჯახის წევრებმა სასამართლო პროცესებს დაუკავშირეს და მკვლელობის შემკვეთად გია უდესიანი დაასახელეს.