,,შავი მოპედი, კასკიანი დაბალი ბიჭი“ - მკვლელობის თვითმხილველები დეტალებს ჰყვებიან

სამართალი - 16:44, 28 Mar, 2015

7579

ბიზნესმენ ბესო ხარძიანის მკვლელობას, ოჯახის ახლობლები გიორგი უდესიანს უკავშირებენ. თვითმხილბელები შემთხვევის დეტალებს ჰყვებიან.

მათი თქმით, ხარძიანს სადარბაზოში შეჰყვა ერთი პიროვნება და მან რამდენჯერმე გაისროლა, ის მოტოციკლით იყო და შემთხვევის ადგილიდან მიიმალა. სადარბაზოში შეჰყვა ,,ერთი პირი იყო და მეუღლემ დაინახა ზედა სერთულიდან რომ შეჰყვა და სროლის ხმა გაიგონა და მერე დაჯდა მოტოციკლზე და გაიქცა, მოტოციკლის მოტეხილი სარკე დავარდნილა აქ.

პატარა შავი მოპედი იყო, კასკიანი დაბალი ბიჭი, მოპედის ფარი გდია სადარბაზოში“ - ამბობენ მეზობლები.

ოჯახის წევრები მომხდარს უკავშირებენ იმ სასმართლო პროცესებს, რომელიც ბესიკ ხარძიანის ქონებასთან დაკავშირებით მიმდინარეობდა. ხარძიანის ნათესავები კონკრეტულ პიროვნებას ასახელბენ და ვარაუდობენ, რომ მომხდარი სწორედ მას უკავშირდება.

,,კვალი მიდის ერთი მკვლელისკენ, რომელიც მაშინაც კლავდა ციხეში ჩემს ძმას და გარეთაც ანალოგიური ჩაატარა. ეს ეხებოდა მის ქონებას, ის იყო მისი პარტნიორი რომელმაც ეს მოახდინა, მისი სახელი და გვარია გიორგი უდესიანი, თუ ის არ არის ამის გამკეთებელი, მოიძიოს მკველლი და აგვიხსნას, ეს არის შეკვეთილი მკვლელობა“ - აცხადებს ბიზნესმენის და მაია ხარძიანი.

მკვლელობას გია უდესიანს უკავშირებს ასევე ბიზნესმენის მეგობარი ირაკლი კორძაია. ,,ეს უკავშირდება მის ერთადერთ მტერს უდესიანს, რომელიც ამჟამად საზღვარგარეთ იმყოფება და ხელისუფლბამ ისიც ვერ მოახერხე რომ უდესიანი წითელ ცირკულარზე დაესვა. მოვითხოვთ, რომ გიორგი უდესიანი, რომელიც არის მრავალპროფილიანი სისხლის სამართის დამნაშავე იყოს დაკავებული და საქართველოში ჩამოყვანილი“ - აცხადებს კორძაია.