ბიზნესმენ ბესო ხარძიანის მკვლელობას პროკურატურა იძიებს

სამართალი - 16:13, 28 Mar, 2015

1860

ბიზნესმენ ბესო ხარძიანის მკვლელობის საქმესთან დაკავშირებით გამოძიება პროკურატურამ დაიწყო. როგორც ,,ნიუპოსტს“ პროკურატურაში განუცხადეს, საქმე აღძრულია 19,108-ე მუხლით, რომელიც განზრახ მკვლელობის მცდელობას გულისხმობს.

რაც შეეხება იმას, თუ რატომ არ გადაეცა საქმე გამოძიებისთვის შს სამინისტროს, ამასთან დაკავშირებით ,,ნიუპოსტს“ პროკურატურის პრესცენტრში განუცხადეს, რომ გამოძიება ბიზნესმენის მკვლელობასთან დაკავშირებით თავიდანვე პროკურატურამ დაიწყო, რადან საქმეზე აღძრული მუხლი პროკურტურის ქვემდებარეა.

ხარძიანის გარდაცვალების შემდეგ, ძიება საქმეზე სავარაუდოდ, 108-ე მუხლით გაგრძელდება, რომელიც განზრახ მკვლელობას გულისხმობს.

ბიზნესმენს ბესო ხარძიანს რომელსაც გახმაურებული საქმეები უკავშირდება, საცხოვრებელ სახლთან, შატბერაშვილის ქუჩაზე უცნობმა პირმა ცეცხლსასროლი იარაღიდან ესროლა. გავრცელებული ინფორმაციით ხარძიანს ორი ტყვია აქვს მოხვედრილი თავსა და ფერდში. დაუდასტურებელი ინფორმაციით ბიზნესმენს საკუთარ სახლთან მოტოციკლეტისტმა ესროლა. ბესო ხარძიანი ცეცხლსასროლი იარაღიდან მიყენებული 4 ჭრილობის შედეგად, საავადმყოფოში გარდაიცვალა. "ოპერაცია ვერ მოასწრეს ექიმებმა. სამწუხაროდ ვერაფერი ვერ ვქენით და ის ცეცხლსასროლი იარაღიდან მიყენებული 4 ჭრილობის შედეგად გარდაიცვალა",-განაცხადა რესპუბლიკური საავადმყოფოს დირექტორმა ავთანდილ იმედაძემ.