ლიტვის პრეზიდენტის, დალია გრიბაუსკაიტეს განცხადებით, ლიტვა და ბალტიის ქვეყნები თავდაცვისთვის მზად უნდა იყვნენ, რადგან არ უნდა ელოდნონ, რომ ნატო და სხვა ქვეყნები მოვლენ და დაგვიცავენ. ამის შესახებ, ლიტვის პრეზიდენტმა ქალაქ კაუნასში სამხედრო კურსანტებთან შეხვედრის დროს.

"დღეს თავისუფლების შენარჩუნება კიდევ ერთხელ რეალურ პრობლემას წარმოადგენს და აძლიერებს ჩვენს ერთობას და სურვილს ვემსახუროთ ლიტვას" , -განაცხადა დალია გრიბაუსკაიტემ.

მისი თქმით, გეოპოლიტიკური ვითარებიდან გამომდინარე, ბალტიისპირეთის ქვეყნებმა საკუთარი თავდაცვა უნდა უზრუნველყონ და შემდეგ დაელოდონ ნატო-სა და პარტნიორი ქვეყნების დახმარებას.

„თუ ჩვენ არ ვიქნებით მზად, საკუთარი თავი დამოუკიდებლად დავიცვათ, არავინ დაგვეხმარება. ვერ ვეტყვით გერმანებელებს, მოდით და დაგვიცავით, როცა თვითონ ჩვენი ხალხი ამისთვის მზად არ არის. ასე, რომ პირველ რიგში „საშინაო დავალება“ უნდა შევასრულოთ და შემდეგ პარტნიორებს დაველოდოთ“ - დასძინა მან.

შეგახსენებთ, ამ წელს ლიტვამ თავდაცვის ბიუჯეტი მესამედით გაიზარდა.

ხატია ლაღიძე