,,მიშას გზა" - რატომ დააკავა შსს-მ „საქართველოს აზერბაიჯანელ სტუდენტთა ასოციაციის“ თავმჯდომარე

სამართალი - 14:45, 27 Mar, 2015

3111

გუშინ გვიან ღამით „საქართველოს აზერბაიჯანელ სტუდენტთა ასოციაციის“ თავმჯდომარე და საქართველოს აზერბაიჯანელთა ორგანიზაცია „მიშას გზა“-ს დამფუძნებელი სამირა ისმაილოვა და მასთან ერთად 5 ეთნიკურად აზერბაიჯანელი ახალგაზრდა დააკავეს.

როგორც სამირა ისმაილოვა „ნიუპოსტთან“ საუბარში აცხადებს, მათი დაკავება მას შემდეგ მოხდა რაც მათ ვაკეში მდებარე მიწისქვეშა გადასასვლელში პულივიზატორით წარწერები გააკეთეს - „მიშას გზა“. ისმაილოვას თქმით წარწერების გაკეთების მომენტში მათთან არავინ მისულა, მხოლოდ მანქანაში ჩასხომის შემდეგ მივიდა საპატრულო პოლიციის ეკიპაჟ. ,,მიზეზიც არ უთქვამთ გაჩერების, სხვადასხვა საკითხზე გველაპარაკებოდნენ. ამასობაში დაახოებით 10 საპატრულო ეკიპაჟი მოვიდა, ჩამოგვართვეს საბუთები, გადაამოწმეს შესაბამისად" - აცხადებს ისმაილოვა. მისი თქმით, მანამდე უცნობი ავტომანქანა მათ რუსთაველის გამზრიზე მდებარე ოფისიდან უთვალთვალებდა, რომელიც გადაადგილების მომენტში თან დაჰყვებოდა. ისამილოვა ამბობს, რომ დაკავებისას მათ ჩამოართვეს პულივიზატორები და ტელეფონები, ჩასვეს მანქანაში და შსს-ში წაიყვანეს. სამირა ისმაილოივას მომხდარი შემთხვევის გამო ხელწერილი საპატრულო მანქანაშივე დააწერინეს. სადაც მან აღწერა თუ რა ფერის პულივიზატორები გამოიყენეს და რა შინაარსის წარწერები გააკეთეს აღნიშნულ ტერიტორიაზე. ხელწერილის კიდევ ერთხელ დაწერა სამირა ისმაილოვას შემდეგ უკვე შსს-ს შენობაში მოთხოვეს, მიზეზად კი პირველი ხელწერილის გაუგებარი კალიგრაფიით დაწერა დასახელდა.

„ტელეფონებიც ჩამოგვრათვეს და დარეკვის უფლებაც არ მოგვცეს მათ შორის სახალხო დამცველის ოფისში, მაშინ როცა გვეუბნებოდნენ რომ აუცლებლად დაგვარეკინებდნენ. სულ გვეკითხებოდნენ, რა პოლიტიკური მოტივით ვაკეთებდით ამ წარწერას და რა მოთხოვნები გვქონდა ხელისუფლებასთან, რაზეც ჩვენ ვუპასუხეთ, რომ ეს უბრალოდ ჩვენი ორგანიზაციის დასახელებაა და მეტი არაფერი“- აცხადებს ისმაილოვა.

მისი თქმით, პოლიციამ მანქანიდან სააკასვილის მისალოცი ბარათები ამოიღო, სადაც ყოფილი პრეზიდენტი აზერბაიჯანულ მოსახლობას ნოვრუზ-ბაირამს ულოცავდა, ,,ეს ყველაფერი ჩამოგვრათვეს და წაიღეს, ვერ ვხვდები რატომ? მანქანაში იყო სხვა პულივიზატორებიც, თუმცა ეს ნივთები თან არავის არ გვქონია, ხოლო პოლიცია ცდილობდა ვინმეს დაეწერა, რომ ეს ნივთებით თან გვქონდა, თუმცა ეს არავინ არ დაუდასტურა მათ, რადგან რეალურად ის ნივთები თან არ გვქონია" - აცხადებს სამირა ისმაილოვა.

როგორც ისმაილოვა აღნიშნავს ის და მისი მეუღლე სხვა დაკავებულებთან შედარებით ადრე გაათავისუფლეს, დანარჩენი 4 დაკავებულის გათავისუფლება მხოლოდ მაშინ მოხდა, რაც შსს-ში სახალხო დამცველის წარმომადგენელი მივიდა.