შეტევა ,,კანონიერ ქურდებზე“ - ყირიმში კამო საფარიანი, კახა ორაგველიძე, გილან სედოი დააკავეს

სამართალი - 18:57, 26 Mar, 2015

8321

როგორც რუსული გამოცემა ,,პრაიმკრაიმი“ წერს, გასულ უქმეებზე, რუსეთის შს სამინისტრომ ყირიმში ფართომასშტაბიანი სპეცოპერაცია ჩაატარა, რომლის შედეგადაც სამი ე.წ. კანონიერი ქურდი გისოსებს მიღმა აღმოჩნდა. ორი მათგანს დიდი ალბათობით პატიმრობაში დარჩენა მოუწევს, ხოლო ადმინისტრაციული ჯარიმა შეეფარდა.

როგორც რუსული გამოცემა წერს, პირველი კრიმინალური ავტორიტეტი, რომლის რუსეთის სამართალდამცავმა უწყებამ დააკავა, კამო საფარიანი იყო, რომელიც ჯერ კიდევ ყირიმის ნახევარკუნძულის რუსეთის შემადგენლობაში შესვლამდე, იალტაში დიდი ხნის განმავლობაში ცხოვრობდა. მისი სახლიდან ამოღებული იქნა ორი ცეცხლსასროლი იარაღი და საბრძოლო მასალა. ასეთივე ცეცხლსასროლი იარაღი და საბრძოლო მასალა ამოიღეს 40 წლის ჩეჩენი ავტორიტეტის გილან ალიევის (გილან სედოის) სახლიდანაც. ეს უკანაკნელი, წარსულში, დიდი რაოდენობის ამფეტამინის შენახვა-შეძენისთვის იყო დაკავებული. რაც შეეხება 41 წლის კახა ორაგველიძეს, რომელიც ცნობილია, როგორც კახა ,,ტბილისკი“, ასევე მოჰყვა პოლიციის რეიდში, თუმცა მას 10 დღიანი ადმინისტრაციული ჯარიმა შეეფარდა.

მიუხედავად ადრე გავრცელებული ინფორმაციისა, რომ სამივე ,,კანონიერ ქურდს“ გილანს, კამოს და კახას სერიოზული პრობლემები აქვთ ქურდულ სამყაროსთან და მათი ,,ტიტული“ კითხვის ნიშნის ქვეშ დგას, ისინი (და განსაკუთებით ორაგველიძე) მაინც ქურდებად მიიჩნევიან, ვიდრე საკითხი ქურდული სამყაროს გავლენიან წევრებთან შეხვედრაზე საბოლოოდ არ დაიხურება, რასაც ვერ ვიყვით, მაგალითად ვლად შარაპზე (რომელსაც გილანთან უსიამოვნება ციხეში მოუვიდა), რომლის მიმართაც შესაბამისი ,,პრაგონი“ ცირკაჩის, ცეზარის, ჟორას, ზაბავის და ტოლიკის ხელით განხორციელდა.