„ნაციონალური მოძრაობის“ ერთ-ერთი ლიდერი გივი თარგამაძე მთავარ პროკურატურაში დაკითხვაზე იმყოფება. მას საგამოძიებო უწყება მოწმის სტატუსით კითხავს.

გამოძიებას თარგამაძესთან კითხვები, შსს თანამშრომლების მიერ სამსახურეობრივი უფლებამოსილების ბოროტად გამოყენების საქმეზე აქვს. დეპუტატი მოწმის სტატუსით დაიკითხება.

შეგახსენებთ, შინაგან საქმეთა სამინისტრომ გივი თარგამაძისთვის ინფორმაციის მიწოდების გამო შსს-ს თანამშრომელი რუსლან ბაზიაშვილი გაათავისუფლა.

მოგვიანებით, გივი თარგამაძემ განაცხადა, რომ შსს-დან გათავისუფლებული თანამშრომელი მას ინფორმაციებს აწვდიდა, როგორც დეპუტატსა და ნდობის ჯგუფის წევრს.