ხმაურია სასტუმრო „ჰოლიდეი ინთან“, სადაც პრემიერის პრესკონფერენციის პარალელურად საპროტესტო აქცია იმართება.

„თავისუფალი ზონის“ წევრმა ერთ-ერთ მოქალაქეს ფოტო გადაუღო, რაც დაპირისპირების მიზეზი გახდა. მოქალაქემ მას ტელეფონი წაართვა და გაიქცა.

ინციდენტის შემდეგ პოლიციამ „თავისუფალი ზონის“ ორი წევრი დააკავა. ასევე დაკავებულია პირი, ვინც აქციის მონაწილეს ტელეფონი წაართვა.

შეგახსენებთ, „თავისუფალი ზონის“ წევრები პრემიერის პრესკონფერენციის პარალელურად, მთავრობის გადადგომის მოთხოვნით აქციას მართავენ. ირაკლი ღარიბაშვილის პრესკონფერენცია ამ წუთებში მიმდინარეობს.