ეარბას A320-ის“ კატასტროფისას ერთერთი პილოტი კაბინაში არ იმყოფებოდა.

„ნიუ იორკ თაიმსი“ საფრანგეთში მომხდარი ავიაკატასტროფის ახალ დეტალებს ახმაურებს.

რედაქცია, საქმეზე მომუშავე ერთერთ გამომძიბელზე დაყრდნობით იტყობინება, რომ შავი ყუთის გაშიფვრისას დადგინდა, კატასტროფის დროს ერთერთი პილოტი კაბინაში არ იმყოფებოდა.

„პილოტი კაბინიდან გამოვიდა და უკან დაბრუნება ვერ მოახერხა. საბორტო აუდიოჩანაწერზე ისმის კაკუნი კარებზე, თუმცა შგნიდან არავინ პასუხობს“ - ციტირებს რედაქცია უცნობი გამომძიებლის ინფორმაციას.

შეგახსენებთ, საფრანგეთის სამხრეთ ნაწილში ავიაკომპანია "ჯერმანვინგის" კუთვნილმა თვითმფრინავმა კატასტროფა გუშინწინ განიცადა. თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა. ბორტზე 15 ქვეყნის მოქალაქე 150 ადამიანი იმყოფებოდა. ყველა მათგანი დაიღუპა.

ხატია ლაღიძე