საფრანგეთის ალპებში, გერმანული ავიაკომპანია "ჯერმანვინგის" კუთვნილი თვითმფრინავის - „ეარბას A320-ის“ კატარსტროფის ადგილზე გერმანიის კანცლერი, ანგელა მერკელი, საფრანგეთის პრეზიდენტი, ფრანსუა ოლანდი, ესპანეთის პრემიერ მინისტრი, მარიანო რახოი და კატალონიის მთავრობის მეთაური არტურო მაცი ჩავიდნენ.

შეგახსენებთ, საფრანგეთის სამხრეთ ნაწილში ავიაკომპანია "ჯერმანვინგის" კუთვნილმა თვითმფრინავმა კატასტროფა გუშინ განიცადა.

თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა. ბორტზე მყოფი 15 ქვეყნის 150 ადამიანი დაიღუპა. მაშველები მათი ცხედრების პოვნას ცდილობენ.

ხატია ლაღიძე