საქართველო VS მალტა - ეროვნული ნაკრების პირველი მატჩი კახაბერ ცხადაძის ხელმძღვანელობით

სპორტი - 15:40, 25 Mar, 2015

2464

საქართველოს ეროვნული ნაკრები კახაბერ ცხადაძის ხელმძღვანელობით პირველ შეხვედრას გამართავს. ჩვენი გუნდის მეტოქე მალტის ნაკრები იქნება, რომელსაც “ჯვაროსნები” 21:00 საათზე, “მიხეილ მესხის სახელობის” სტადიონზე შეხვდებიან. ეს მოსამზადებელი მატჩია, კვირას, 29 მარტს მსოფლიოს ჩემპიონ გერმანიასთან გასამართი თამაშისათვის.
როგორც ცნობილია, საქართველოს ნაკრების შემადგენლობაში დაბრუნდნენ ნუკრი რევიშვილი, ალექსანდრე ამისულაშვილი, კახა მახარაძე, ლევან ყენია, გიორგი ნავალოვსკი და მათე ვაწაძე. ისინი თავიანთ გუნდებში ძირითადი შემადგენლობის ფეხბურთელებად მიიჩნევიან და საკმაოდ კარგი სტატისტიკაც აქვთ. კახა ცხადაძემ ნაკრებში გამოიძახა ასევე საქართველოს ჩემპიონატში მოთამაშე ფეხბურთელები: ბათუმის “დინამოს” მეკარე მიშა ალავიძე და “სამტრედიას” მცველი ლევან კაკუბავა.
სპორტულ პრესაში გავრცელებული ინფორმაციით, კახა ცხადაძე მალტასთან შემდეგ სასტარტო შემადგენლობას დააყენებს: ლორია, ლობჟანიძე, კაშია, კვირკველია, დვალი, კანკავა, მახარაძე, ოქრიაშვილი, ჭანტურია, ყენია, ცხადაძე.
მალტის ნაკრებს იტალიელი პიეტრო გედინი წვრთნის, მალტას ქვეჯგუფში მხოლოდ 1 ქულა აქვს და ბოლოსწინა ადგილზე იმყოფება. მალტის ნაკრებში რეიტინგში 145-ე ადგილზეა და საქართველოს ნაკრებს 19 ადგილით ჩამორჩება. ჩვენი დღევანდელი მეტოქის ერთ-ერთი ლიდერი 23 წლის თავდამსხმელი, ჯინ პაულ ფარუჯია, რომელიც მალტურ “ჰიბერნიანსში” გამოდის და გუნდის ერთ-ერთი მთავარი მეგოლეა.