კატასტროფამდე ერთი წუთით ადრე პილოტები ხაზზე გამოვიდნენ

ამის შესახებ, სამთავრობო საკითხებზე და მათ შორის სატრანსპორტო საკითხზე პასუხისმგებელმა ფრანგმა მინისტრმა, სეგოლენ რუალმა განაცხადა.

„პილოტებისა და დისპეჩერების ბოლო რადიოკავშირი, ზღვის ზონიდან 11400 მეტრზე დაფიქსირდა. 10:31 საათზე თვითმფრინავმა, ნებართვის გარეშე დაშვება დაიწყო. იმ წუთიდან, პილოტები დისპეჩერებს აღარ პასუხობდნენ. 10:35 საათზე კი დისპეჩერებმა თვითმფრინავიდან განგაშის სინგალი მიიღეს. 10:40 საათზე, თვითმფრინავი ზღვის ზონიდან 2000 მეტრზე იმყოფებოდა და ამის შემდეგ რადარებიდანაც გაქრა“ - განაცხადა მინისტრმა.

შეგახსენებთ, საფრანგეთის სამხრეთ ნაწილში ავიაკომპანია "ჯერმანვინგის" კუთვნილმა თვითმფრინავმა კატასტროფა გუშინ განიცადა.

თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა. ბორტზე 150 ადამიანი იმყოფებოდა. მათი უმრავლესობა გერმანიისა და ესპანეთის მოქალაქეა. დაღუპულთა შორის არიან თურქეთის, კოლუმბიის, მექსიკის, ბელგიის, მაროკოსა და ყაზახეთის მოქალაქეები. ავიაკატასტროფას ცნობილი საოპერო მომღერლები, მარი რანდერი და ოლეგ ბრიჟაკიც ემსხვერპლნენ. მაშველებმა, კატასტროფის ადგილზე ვერტმფრენით მიაღწიეს, თუმცა გადარჩენილ მგზავრებს ვერ მიაგნეს. ავიაკატასტროფის შედეგად, ბორტზე მყოფი ყველა ადამიანი დაიღუპა.

ხატია ლაღიძე