საფრანგეთში, გერმანული ავიაკომპანია "ჯერმანვინგის" კუთვნილი თვითმფრინავის - „ეარბას A320-ის“ კატარსტროფის ადგილზე გერმანული დელეგაცია, საგარეო საქმეთა მინისტრის, ფრანკ-ვალტერ შტაინმაიერის მეთაურობით ჩავიდა. შტაინმაიერთან ერთად, კატასრტოფის ადგილი გერმანიისა და ესპანეთის ტრანსპორტის მინისტრებმა და საფრანგეთის შინაგან საქმეთა მინიტრმა მოინახულეს.

გერმანიის მთავრობის მეთაურის განცხადებით, ტრაგედიასთან დაკავშირებით სპეციალური კომისია შეიქმნა, რომელიც ფრანგ კოლეგებთან აქტიურად თანამშრომლობს.

"ეს შემზარავი ტრაგედიაა. ვუსამძივრებ დაღუპულთა ოჯახის წევრებს" - განაცხადა შტაინმაიერმა.

საფრანგეთის პრემიერ-მინისტრის, მანუელ ვალსის განცხადებით, კატასტროფის გამომწვევ ყველა ჰიპოთეზას განიხილავენ.

შეგახსენებთ, საფრანგეთის სამხრეთ ნაწილში ავიაკომპანია "ჯერმანვინგის" კუთვნილმა თვითმფრინავმა კატასტროფა გუშინ განიცადა.

თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა. ბორტზე მყოფი 150-ივე ადამიანი დაიღუპა. მათგან 67 გერმანიის მოქალაქე იყო.

ტრაგედიის ადგილზე ჩასვლას, გერმანიის კანცლერი, ანგელა მერკელიც გეგმავს.

ხატია ლაღიძე