ფრანგმა მაშველებმა, საფრანგეთის სამხრეთ ნაწილში, ავიაკომპანია "ჯერმანვინგის" კუთვნილი ჩამოვარდნილი თვითმფრინავის - Airbus A320-ის ერთერთი შავი ყუთი იპოვეს. ექსპერტებმა, აუდიოჩანაწერების შესწავლა და ავიაკატასტროფის მიზეზების დადგენა უკვე დაიწყეს.

ფრანგი ექსპერტების წინასწარი ვარაუდით, შესაძლოა კატასტროფამდე თვითმფრინავის ბორტზე ხანძარი გაჩნდა, რამაც ეკიპაჟის წევრების გონების დაკარგვა გამოიწვია.

შეგახსენებთ, საფრანგეთის სამხრეთ ნაწილში ავიაკომპანია "ჯერმანვინგის" კუთვნილმა თვითმფრინავმა კატასტროფა გუშინ განიცადა.

თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა.

ბორტზე 150 ადამიანი იმყოფებოდა. მათი უმრავლესობა გერმანიისა და ესპანეთის მოქალაქეა. დაღუპულთა შორის არიან თურქეთის, კოლუმბიის, მექსიკის, ბელგიისა და მაროკოს მოქალაქეები. ავიაკატასტროფას ცნობილი საოპერო მომღერლები, მარი რანდერი და ოლეგ ბრიჟაკიც ემსხვერპლნენ. მაშველებმა, კატასტროფის ადგილზე ვერტმფრენით მიაღწიეს, თუმცა გადარჩენილ მგზავრებს ვერ მიაგნეს. ყველა მათგანი დაიღუპა.

ხატია ლაღიძე